كائنات معمرة / درنفيسيات

كو كائنات ذابّة ميانة وية الحياة ، معمّرة ، اتطول يله يتموت
او متموت
متيجو نشوف !!

1- الكركند او سرطان البحر 
حيوان ابد ما تظهر عليه علامات الشيخوخة ، بالرغم من قلة وجوده من بين الكائنات البحرية
سرطان البحر ما تستهدفة الشيخوخة ، مرض آخر يستهدفة ويموته
معدل عمره يوصل للـ 140 سنة ، ويتم احتساب عمره من وزنه
وهذا الحيوان يكدر يتكاثر لحد اخر نفس بعمرة ، ((يموت عالشيسمونه))

http://www.nbcnews.com/id/28589278/#.VNOkUZ2UetY

~.~.~.~.~.~.~.~

2- الديدان المفلطحة
تعتبر عيّنة من العيّنات القوية الي يتم دراستها بمجال البحوث الخاصة بالشيخوخة ، هاي بيها فد ميزة معينة ...
عدها قدرات على "تجديد الانسجة" بصورة غريبة كلش ، واذا وصلت للموت فعدها القابلية ان تتطور الى كائنات جديدة منفصلة تماماً عن طريق الانقسام
اثناء البحث عن خصائص هاي الديدان لكوها تعتمد ببنيتها الخلوية على انزيم اسمه : التيلوميراز
هذا الانزيم هو انزيم البروتين الي يساعد على انقسام الخلايا من خلال تمكين المواصلة على توريد التيلومير "مادة الانقسام"
الحجي ابيناتنا هاي الديدان متموت
http://www.theguardian.com/…/feb/29/live-forever-immortal-w…

~.~.~.~.~.~.~.~

3- دب الماء
هذا كائن كيوت ، سو كيوت
وخارق بنفس الوقت ، مستعد يعيش بدرجات حرارة عالية جداً
458 F- 300 F وبأقصى انواع الضغط الجوي
عنده قابلية ان يبقي جسمه خالي من الماء لمدة 10 سنوات ويبقى عايش
هذا الكائن ، باقي ويتمدد ، ميموت
http://www.bbc.com/…/story/20150313-the-toughest-animals-on…
~.~.~.~.~.~.~.~

4- قنديل البحر
قنديل البحر من المعمرات ايضاً
يستخدم فد آلية اسمها : عملية التمايز غير المشبعة
a trans differentiation process
هاي شتسوي ؟
قنديل البحر يفقد الصيغ الصبغية كل ثلاث ايام ، هاي الالية ، تخلي يسترجع كل الخلايا الي يفقدها كل 3 ايام
وبهالحالة .... باقي ويتمدد ابن الطحال
http://news.nationalgeographic.com/…/090130-immortal-jellyf…

~.~.~.~.~.~.~.~

5- السلاحف ((طبعاً اسمها ما اعرف ليش يعجبني ، وشكلها العبيط هم يعجبني ، ولا اباليتها بالحياة وعدم اكتراثها بالمحيط ، سلحوفة عمري smile emoticon ))

السلحفة تعتبر من الكائنات المعمرة ايضاً ، وتمتاز بقابلية تجديد الخلايا
واعادة انتاج وتدوير الايض الخلوي مالتها
بالـ 2006 ، ماتت وحدة عمرها 255 سنة ، اثر تصدع بسيط بالصدفة مالتها
طبعاً عمر السلاحف ينعرف من وزنها ومن طبقات الصدفة
http://io9.com/…/the-mystery-of-why-turtles-never-grow-old-…

~.~.~.~.~.~.~.~

6- حيوان الهايدرا
بالبداية الهايدرا مذكور بالاساطير اليونانية ، عبارة عن افعى بيها اكثر من راس
وبالحقيقة اكو حيوان اسمه الهايدرا
هذا طريقة خلودة تشبه طريقة خلود الديدان المفلطحة
الهايدرا تعيش بالمياه العذبة ، انقسام الخلايا المستمر عند الهايدرا
يمنع فقدان التيلومير
وبالتالي يصبح خالداً
http://www.pomona.edu/Magaz…/PCMWin09/NKdanielmartinez.shtml