ترجمة العواطف / درنفيسيات

%#^ - هذا نار كبره ، اذا صار عصبي من سالفة يتحول HULK ويكسر كل الداير مدايره

><KQ= اني اعرف واحد اذا صار عصبي ، راساً تطلع من داخله غوريلا تلعب جمناستك بنص البيت

#$TO- خو اني اعرف واحد ساعاته مو سوة ، بالدقيقة الوحدة تشوفه بأكثر من عاطفة وشعور ، مسودن ومخزبگ

~.~.~.~.~.~.~.~.~.~.~

على طول هذا القرن العلمي ، واقصد من (1900-الى الان) الزاخر بالمنجزات البشرية
والي اعاد نحت التجربة الانسانية وفق مفاهيم علمية واخلاقية جديدة
ماحاول العلم ان يوجِد حقل علمي متخصص بدراسة العواطف من الناحية العلمية .. لعدة اسباب ، اهمها : العواطف نفسها
لان يعتبروها تجربة ذاتية تخص الافراد ومتفاوتة بين فرد وآخر
وفرضاً لو رادوا العلماء يعرفون نسبة الغضب او الضحك عند الفرد ... ماكو طريقة لمعرفتها غير سؤال الشخص نفسه : من تصير عصبي شتسوي؟؟ او من تضحك شتحس؟

وحتى بمسالة السؤال ، الاجابات مو مضمونة ، لأن الانسان بطبعه يكذب او ينسى
فتجي الاجابات منقوصة وغير تامة ، والاستقراء عليها باااااطل ، مثل زواج عتريس من فؤادة smile emoticon

وحتى وقت قريب ... كانت هذي المواضيع بعيدة عن احضان العلم

لوز

بأواخر سنة 1990 ، اجه عالم اعصاب امريكي اسمه (جاك بانكسيب)
كدر يكتشف (الدروب العصبية الخاصة بالعواطف الرئيسية "السبعة" للثديات)
وكال انه يكدر يجاوب على سؤال : هل تمتلك الحيوانات مشاعر يمكن دراستها ووضعها وفق منهاج تخميني بحثي تجريبي؟؟
جوابه كان : نعم
ومن ذيج اللحظة الي اعلن عنها الدكتور هذا الاكتشاف ، تم تبني دراسة العواطف كحقل علمي بعلم الاعصاب http://bit.ly/1e1R7B7
http://bit.ly/1LjL4Fe

هذا العلم الجديد ، انتج مسارين مهمين :
المسار الاول : فتح الباب امام ثورة تكنلوجية تسمح للآلآت بقراءة مشاعر وعواطف الانسان
المسار الثاني : اعطاء تفاسير دقيقة جداً للمشاعر الانسانية

كخطوة اولى ، العلماء كدروا ان يقيسون بدقة عالية جداً نسبة الاكتئاب ورغبة الانتحار الي تصيب الجنود
شلون بعد عمتك؟؟
~.~.~.~.~.~.~.~.~.~.~

اجوي باحثين من جامعة USC "جامعة جنوب كاليفورنيا"
جابو كاميرات فيديو على مايكروفونات على اجهزة XBOX Kinect
كدروا من خلال التجربة ان يقرون 60 اشارة مختلفة [بدءاً من نبرة الصوت مروراً بتعبيرات الوجه وانتهاءاً بتغيرات الجسم الوضعية]
وورة ما سجلوا الاشارات ، بدوا يفكون شفرة العاطفة
هاي المقالة العلمية بعنوان : ماذا يحدث لو استطاعت الآلآت قراءة مشاعرنا افضل من قرائتنا لها http://onforb.es/UjgGDY
المقال يسولف سوالف ثكيلة حيل
~.~.~.~.~.~.~.~.~.~.~
اجتي شركة اسمها Affectiva ، هاي بشنو اختصت؟؟
اختصت بحقل علمي اسمه : الحوسبة الوجدانية
هاي شتسوي بالضبط ؟؟ هاي تصمم خوارزميات رياضية ، وتدخلها بحاسبات ، من خلال عمل الخوارزميات ان تقرأ المشاعر الانسانية بدقة اعلى من قراءة البشر الها !
مثلاً : تنطيك هاي الحاسبات المغزى من ضحكة معينة انت ضحكتها
او تنطيك السبب وراء تعابير وجهك المُكفَهرة

بشرفكم فوتو على هاي المقالة واقروا المصايب البيها http://nyr.kr/1IDyV9a

هاي الشركة لشنو تطمح بالضبط؟؟
تطمح الى صناعة اجهزة استشعار تنربط وية الاجهزة والآلآت الي يستخدمها الانسان ، السيارة ، الحاسبة ، الموبايل ، مسخن القهوة وكلشي وكلاشي
بس شلون تنربط مثلاً ؟؟ وشلون تشتغل؟
مثلاً انت راجع من شغلك بالسيارة ، ومتعارك وية المدير مالتك ومتضجور والضوجة صاعدة للتناكي
بهاي اللحظة الي انت اطلقت بيها نوع من التغير الهرموني
مقود السيارة رح يستشعر هذا التغير ، ومقعد السيارة ايضاً رح يستشعر هذا التغير
رح يجمعون معلومات من هذا الاستشعار ، ويرسلون المعلومات تلقائياً الى مسخن القهوة الي موجود ابيتك عن طريق النت ، بحيث تفوت للبيت وتشرب الكهوة مالتك وهي حارة
تشوفون هذا الشي معجزة مو؟؟ مستحيل مو؟
لا مو معجزة ولا مستحيل

مثال ثاني
شريك عملك المستقبلي المحتمل يبدي يصير قلق خلال مناقشة على الواجبات والمسؤوليات المشتركة بينكم((على برنامج سكايب))
انت تكدر تشوف جذور الاشياء الي دتقلقة قبل متصير مشاكل اكبر بالمستقبل عن طريق خوارزميات موجودة بجهازك تقرا تعابير وجهه وتنطيك النتيجة بسرعة وبدقة متناهية
يعني هاي الخوارزميات تخليك تتدارك القلق مال شريكك بسرعة حتى لا تتطور الامور بالمستقبل وتلحكون تحلون المصيبة الي شريكك قلقان منها
.
..
...
....
بالنهاية
اني المسيچينة .. اني المظيليمة
اهلي جابوني ... ابغداد ولدوني انااااااا

http://bit.ly/1N7EBwh