مشهد
الانارة خافتة
الشموع تزين الغرفة ، طاولة في منتصف الغرفة وعليها صحن فواكه وكأسان من العصير
الزوجان متقابلان على الطاولة
الشموع تزين الغرفة ، طاولة في منتصف الغرفة وعليها صحن فواكه وكأسان من العصير
الزوجان متقابلان على الطاولة
جاسمية : حبيبي ، رح اسألك سؤال سائلتكيا سبعمية وستة وكلاثين الف واربعمية وتسعة واسماعيل مرة ..... انت شكد تحبني ؟؟
مصيوَل : حياتي اني ما امل من هالسؤال ، وشوكت ما اسمعه منچ وكأنه اسمعه لأول مرة ... اني حبي الج [انفنتي] ما اله نهاية ابد
جاسمية : لا حبيبي قليل ، اني حبي الك [انفنتي] مرفوع للقوة [انفنتي] يعني اكثر
مصيوَل : حياتي ليش تلوصين بالرياضيات؟؟
[انفنتي] مرفوع للقوة [انفنتي] = انفنتي ، يعني مقدار حبي الج
[انفنتي] مرفوع للقوة [انفنتي] = انفنتي ، يعني مقدار حبي الج
جاسمية : ايييييي لتصير لئيم ، اني احبك اكثر
مصيوَل : لتحاولين حبيبي جوجو ، مترهم ، اني احبچ اكثر
جاسمية : لا اني احبك اكثر ... اشو عناد
مصيوَل : حبيبي ترة هو مو حجي ،،، القضية ثبتت علمياً ، الزلمة يحب النثية اكثر ، والزلمة اكثر رومانسية من المراة
قُضيَ الحب الذي فيه تستفتيان !!
قُضيَ الحب الذي فيه تستفتيان !!
جاسمية : مالي علاقة بالي ثبت علمياً ، اني احبك اكثر
مصيوَل : حياتي ، شلون مالج علاقة ؟ لازم تعرفين
القضية بينة احنه الزلم "قديمة" ، ومرتبطة بالتنمية التطورية والبايلوجيا الاساسية مالتنا
اساس قوة الحب والرومانسية الي عدنه جاية من القوة البصرية الي نمتلكها عن طريق ملايين السنين من التطور
دكوليلي شلون؟؟
القضية بينة احنه الزلم "قديمة" ، ومرتبطة بالتنمية التطورية والبايلوجيا الاساسية مالتنا
اساس قوة الحب والرومانسية الي عدنه جاية من القوة البصرية الي نمتلكها عن طريق ملايين السنين من التطور
دكوليلي شلون؟؟
جاسمية : شلون
مصيوَل : القوة البصرية امتلكناها من زمان ، قبل ملايين السنين ، من ظهر الانسان وبدا يعلم نفسه عالصيد ،المرأة بذاك الوكت شجانت تسوي؟ جانت تكعد وية الاطفال وتربيهم وتتداريهم حتى تحافظ عالسلالة وتوفر الها البيئة الخصبة للأستمرار
الرجل، تطورت عندة قوة الرؤية شلون؟؟ لان جان يصيد ، والصيد يحتاج الى دقة بالرؤية حتى ينچخ الرمح بالفريسة ، والتطور شلون صار بالضبط؟
صار عن طريق ضخ كميات جيدة من هرمون التوستستيرون ... آخر البحوث اثبتت ان قوة البصر عند الرجل الي جاية من هرمون التوستستيرون تخلي سريع الانجذاب للمرأة واكثر رومانسية وعاطفة
واذا متصدكيني ، اسمعي هذا اللقاء بالراديو ، ببرنامج عالمي يستضيفون بي علماء بالمراكز البحثية يحجون عن القضايا الاجتماعية بطريقة علمية رصينة ، وهذا البرنامج منو يحجي بي ؟؟ يحجي بي نيل دايغراس تايسون وية عالمة الانثروبولوجيا البايلوجية (هيلين فيشر)
ورح تشوفين شلون كلامهم يتطابق وية كلامي
http://www.startalkradio.net/…/the-evolution-of-love-and-s…/
الرجل، تطورت عندة قوة الرؤية شلون؟؟ لان جان يصيد ، والصيد يحتاج الى دقة بالرؤية حتى ينچخ الرمح بالفريسة ، والتطور شلون صار بالضبط؟
صار عن طريق ضخ كميات جيدة من هرمون التوستستيرون ... آخر البحوث اثبتت ان قوة البصر عند الرجل الي جاية من هرمون التوستستيرون تخلي سريع الانجذاب للمرأة واكثر رومانسية وعاطفة
واذا متصدكيني ، اسمعي هذا اللقاء بالراديو ، ببرنامج عالمي يستضيفون بي علماء بالمراكز البحثية يحجون عن القضايا الاجتماعية بطريقة علمية رصينة ، وهذا البرنامج منو يحجي بي ؟؟ يحجي بي نيل دايغراس تايسون وية عالمة الانثروبولوجيا البايلوجية (هيلين فيشر)
ورح تشوفين شلون كلامهم يتطابق وية كلامي
http://www.startalkradio.net/…/the-evolution-of-love-and-s…/
جاسمية : معلية معلية معلية ، اني احبك اكثر وانعل ابو العلم
مصيوَل : لج بابا مترهم وداعتج ، اوكي ... عوفج من هذا الحجي الفات كلّه
شايفه هذني النساء الي يتحولن الى رجال؟؟ الي يسون عمليات زرع اعضاء ذكرية ؟؟
هذولة حقنوهم بالبداية بهرمون التوستستيرون ، حتى يصيرون زلم ، بعدين
اختبروا قوة بصرهم ، لكوها زادت ، مما ادى الى تغيير بمنظومتهم العاطفية
يعني رومانسيتهم اتجاه الاناث زادت ، بأعتبارهم زلم
بالاضافة الى مسالة مهمة جداً ... كل الدراسات حول العالم تشير الى ان الرجل هو اول من يكول جملة (انا احبكِ) للمرأة
واذا صادفت والمرأة بادرت وكالتله (انا احبك) !!! يبووووووو ، الدنيا يحركها من السعادة
وسعادته لا تقارن بسعادة المراة من تسمع الجملة
وهذي رابط الدراسة من مجلة (الشخصية وعلم النفس الاجتماعي العالمية) تؤكد سوالفي
http://psycnet.apa.org/…
وهاي دراسة ثانية عن قياس العاطفة بين الرجل والانثى ، تبين ان الرجل بسرعة يوكع بالحب ورومانسي اكثر من المراة ، وماكو شي اسمه المرأة تحب من اول نظرة ، الحب من اول نظرة قضية مُحتكرة عالزلم
http://www.sciencedirect.com/…/article/pii/S0140197186800434
شايفه هذني النساء الي يتحولن الى رجال؟؟ الي يسون عمليات زرع اعضاء ذكرية ؟؟
هذولة حقنوهم بالبداية بهرمون التوستستيرون ، حتى يصيرون زلم ، بعدين
اختبروا قوة بصرهم ، لكوها زادت ، مما ادى الى تغيير بمنظومتهم العاطفية
يعني رومانسيتهم اتجاه الاناث زادت ، بأعتبارهم زلم
بالاضافة الى مسالة مهمة جداً ... كل الدراسات حول العالم تشير الى ان الرجل هو اول من يكول جملة (انا احبكِ) للمرأة
واذا صادفت والمرأة بادرت وكالتله (انا احبك) !!! يبووووووو ، الدنيا يحركها من السعادة
وسعادته لا تقارن بسعادة المراة من تسمع الجملة
وهذي رابط الدراسة من مجلة (الشخصية وعلم النفس الاجتماعي العالمية) تؤكد سوالفي
http://psycnet.apa.org/…
وهاي دراسة ثانية عن قياس العاطفة بين الرجل والانثى ، تبين ان الرجل بسرعة يوكع بالحب ورومانسي اكثر من المراة ، وماكو شي اسمه المرأة تحب من اول نظرة ، الحب من اول نظرة قضية مُحتكرة عالزلم
http://www.sciencedirect.com/…/article/pii/S0140197186800434
جاسمية : وديني لبيت اهلي ، ما ابقى دقيقة بعد
مصيوَل : انتِ من كل عقلج؟؟ مشتري شموع بـ 5000 آلآف ، هذا يا مخبل يوديج؟؟
جاسمية : لعد شنو هل.........
ليست هناك تعليقات:
إرسال تعليق