Name 1 : الف مبروووووووووك ، حبيبي شايف كل الخير ، ويتربى بعزك وتشوف احفاد احفاده ، يمّه فدوة باع حلگه شلون يخبل ، شنو شرح تسميه ؟
Name 2 : والله ناوي اسمي ديڤيد ، اسم احبه كلش
Name 1 : اعوذ بالله ، شنو هالاسم يمعوّد ، رح تعقده للولد
Name 2 : ترة مرح اسمي جريو ، ولا چليب ، ولا نجانة .... ديڤيد اسم حلو واني متأكد رح يعجبه من يكبر
Name 1 : اولاً اسم يهودي ، وهذا منافي لتعاليمنا ، ثانياً : منو كال رح يصير توافق بين اسمك واسمه واسم امّه ؟؟ انت اسمك ماهر وامّه آمنه وهذا حرف الـ "ڤـ" يعتبر دخيل على اللغة العربية ، والمصيبة انتو ثنيناتكم ما عدكم هذا الحرف بأسمكم ، رح تديحوه للولد
Name 2 : ممكن شوية تبردلي ؟ لأن مستوى الحماوة صعد حيل ، واحنه طبينه بالصيف ، بس على كيفك وية الوادم ، يرنگو
Name 1 : لاحماوة ولا حرارة ، بالعكس يومية امزمز مع ميرندا ، بس انت ما اعرف شلونك ، ولا چنّك تدري ان أي اسم بي طاقة تاثر على سلوكيات وتحركات ومستقبل حامل الاسم ، وان حروف اي اسم بيها اهتزازات محد يكدر يشوفها غير بس العرفانيين او الروحانيين ، وهاي الاهتزازات تاثر وتتأثر بالمحيط
غلّس ، ولا چنّك تدري
غلّس ، ولا چنّك تدري
Name 2 : دكلي هيج من الاول وفضها ، گلي انه انت مولع بمشاهدة ابو علي الشيباني ومضروب عندك الفيوز مال الاويل پم
انت تكول انه الاسم يأثر على السلوكيات ، وهواية من طبائع حامل الاسم مأخوذه من الاسم ، لوز
هسه اني اسمي ماهر ، وما املك اي مهارة ، هاي شلون؟
انت تكول انه الاسم يأثر على السلوكيات ، وهواية من طبائع حامل الاسم مأخوذه من الاسم ، لوز
هسه اني اسمي ماهر ، وما املك اي مهارة ، هاي شلون؟
Name 1 : هااااااا ، هنا السالفة تختلف ، معناه انه انت تملك اسم خفي ميعرفه بس العرفانيين والروحانيين ، بحيث تنطيهم اسمك واسم امك ومن خلال علم الجفر والارقام الي تقابل حروف اسمك واسم امك راح يكولولك اسمك الحقيقي الي المفروض تتسمى بي
Name 2 : اگلك ، بشرفك مناوي تنتقل بالزمن وتعبر من القرن الثالث الميلادي وتجي للقرن مالتنه؟ بشرفك انتقل ، ترة القرن مالتنه بي خوش سوالف ، سوالف تلوگ لهذا الدماغ المغلف بالشمع الناتج من فضلات الديدان السنيغالية
بس فهمني هاي الخوارزمية منين جبتها؟؟
فهمني حتى تبرد نار كلبي وما أضطر اصيح الممرضة واخليها تضربك ابرة تگلبك فرس النبي
بس فهمني هاي الخوارزمية منين جبتها؟؟
فهمني حتى تبرد نار كلبي وما أضطر اصيح الممرضة واخليها تضربك ابرة تگلبك فرس النبي
هسه انت تكول انه اسمي ياثر على سلوكياتي وافعالي ومستقبلي
وأذا ما أثر اسمي ، اذاً لازم اعرف اسمي الثاني الخفي ، عن طريق مجموعة من الكائنات الي تنتمي لشعبة (اللادماغيات) ، هذولة ياخذون اسمي ، ويحطون مقابيل كل حرف "رقم" ويسوون سلسلة من الحسابات الفنطازية ، ويكولولي اسمك الحقيقي (...)
منتاز ، هنا اسال بعض الاسئلة /
1- هل همَّ يعتمدون بسوالفهم على (الاسم) كما هو مكتوب لو كما يُلفظ؟
2- اكو هواية شعوب بالعالم لغتها مابيها حروف ، بيها رسومات ، هاي شلون رح يتعاملون ويه اسماء سكانها؟؟
3- منين اجتي هاي المعادلات الي يعتمدوها ؟؟ رح تكلي علم الجفر ، واني رح اكلك هذا اسمه علم {الحُفر} الي مبقينه مطمومين الى هذي اللحظة
4- نفرض انه اني بالهوية عندي اسم ، واهلي واصدقائي يصيحولي بغير اسم ،، هنا بهذا الوضع ، هذا الشفيّة شراح ياخذ؟؟ يا اسم؟
امدّاك انت ويا
وأذا ما أثر اسمي ، اذاً لازم اعرف اسمي الثاني الخفي ، عن طريق مجموعة من الكائنات الي تنتمي لشعبة (اللادماغيات) ، هذولة ياخذون اسمي ، ويحطون مقابيل كل حرف "رقم" ويسوون سلسلة من الحسابات الفنطازية ، ويكولولي اسمك الحقيقي (...)
منتاز ، هنا اسال بعض الاسئلة /
1- هل همَّ يعتمدون بسوالفهم على (الاسم) كما هو مكتوب لو كما يُلفظ؟
2- اكو هواية شعوب بالعالم لغتها مابيها حروف ، بيها رسومات ، هاي شلون رح يتعاملون ويه اسماء سكانها؟؟
3- منين اجتي هاي المعادلات الي يعتمدوها ؟؟ رح تكلي علم الجفر ، واني رح اكلك هذا اسمه علم {الحُفر} الي مبقينه مطمومين الى هذي اللحظة
4- نفرض انه اني بالهوية عندي اسم ، واهلي واصدقائي يصيحولي بغير اسم ،، هنا بهذا الوضع ، هذا الشفيّة شراح ياخذ؟؟ يا اسم؟
امدّاك انت ويا
Name 1 : بابا ، ماهكذا تؤكل الكتف ، مو كلشي لازم بي دليل ، اكو اشياء بالحياة اجوبتها موجودة بس بدون دليل ، هاي من ضمن الاشياء
لعد شتفسر حالات طلاق تصير لأسماء مكررة ؟؟
يعني مثلاً تفوت لمحكمة تلكه 7 طلاقات بين اسمين بس : نور وحيدر فرضاً
هاي كلها بسبب طاقة الحروف ، ماكو توافق بالطاقات
لعد شتفسر حالات طلاق تصير لأسماء مكررة ؟؟
يعني مثلاً تفوت لمحكمة تلكه 7 طلاقات بين اسمين بس : نور وحيدر فرضاً
هاي كلها بسبب طاقة الحروف ، ماكو توافق بالطاقات
Name 2 : يابه ماكو ربط بين الاسم والسلوك ، وحق ساحة بيروت ماكو ربط ، يعني شلون يصير ربط بس فهمني؟ هي اسمها هالة ، وهو اسمه حسام ، ونفرض ان حسام راح لعرّاف او عرفاني او اي هذيان ، وگله : انت ماتتوافق وية هالة .... على يا اساس نفسي استند وكاللهم ماتتوافقون؟ لايعرف البنية ، ولا شايف اطباعها ، كل اليعرفه بس اسمها واسمك
شلون حكم على عشرتكم وعلاقتكم؟؟ جرابيع
شلون حكم على عشرتكم وعلاقتكم؟؟ جرابيع
Name 1 : عالعموم ، اني ما اتذكر وصلت لنتيجة وياك فد يوم ، مبروك على المولود ، وهاي هدية بسيطة بمناسبة گومة زوجتك بالسلامة
Name 2 : ماريد هديتك ، اني رح اهديلك كم مقال علمي يختص بهاي السالفة ، بس اقراهن ... وامسح قناة الديار ، مسح القناة اهم من قراءة المقالات
ليست هناك تعليقات:
إرسال تعليق