ارتداء البنطال الضيق / درنفيسيات

#@= حياتي انت شوكت تحبني اكثر؟ من البس بنطرون لو من البس تنورة؟؟

^%F- والله يا حياتي انتِ لو تلبسين گونية جنفاص هم تخبلين ، ماعندي مشكلة وياج

$#@= ياحياتي فدواتك ، بس اكيد اكو فد نسبة بين الاثنين ، يعني تفضيل اقصد

^%F- شوفي ، انتِ مرات تلبسين بنطرون تكمزين عليه من السطح يلّه يفوت برجلچ ويكعد على خصرچ ، ومن تلبسي تكونين مشغلة دعاء كميل حتى يكعد على جسمچ ببركة الدعاء
اني هيج بناطير علاقتي وياهن مش ولابد

$#@= حرامات، لعد اني اموت عالبناطير الضيگة ، كلش احبهن ، وهو احنه وحدتنه رشيقة على شنو؟ غير حتى نكشخ ؟
زين والتنورة ؟

^%F- التنورة حلوة ، القصيرة والطويلة ، الضيگة والعريضة ، ما اعرف اني تعجبني التنورة اكثر ، بس البناطير الضيگة لا عندي حرب وياهن
صح اكو بناطير يلبسوهن البنات انيقة كلش ، وتظهر جمالهن بصورة رؤؤؤعة
ضيكة او مو ضيكة ، بس المو ضيكة احلى

$#@= اول مرة اعرف ان البناطير الضيكة مو حلوة ، غريب امرك يا ولد !!

^%F- اني مكلت مو حلوة لاتسويلج سالفة ،، اني ما احبها لأن بيها اذية عليچ ياحياتي ((اويلي عالحنان والرومانسية الي بداخلي))

$#@= كول ذوقك ميتوالم وياهن ، لا اذية ولا هم يشخرون

^%F- وداعتج انتِ اذية ، وهم زين فتحتي الموضوع حتى اسولفلج آخر البحوث عن البناطير الضيكة
شوفي : بنية استرالية ، لابسة بنطرون ضيك حيل ، بحيث فايت برجلها بمساعدة (كرك)
وكاعدة بحديقة بوضعية القرفصاء ، ورة 3 ساعات رادت تكوم مكدرت ، يمعودة كومي .. ماكو
جيب الاسعاف ودي الاسعاف كولي طبينه بالمستشفى
يريدون ينزعوها البنطرون ، ماكو .. ماينّزع ...... جيب مكص وكصه
ويشوفولك الاطباء رجليناتها عبارة عن قلمين جاف ازرگ ، مورمات
وعدها تضرر بالالياف العضلية مال رجلها
شخّص الاطباء العلّة مالتها ، وطلعت بسبب ضيق البنطرون الي سببلها ابطاء بتدفق الدم بالرجل ، وتعكر بوصول الايعازات العصبية ، وتورم العضلات
وضلت 4 ايام نايمة بالمستشفى متكدر تمشي ، وبعدين كدرت تمشي
وهذا تشخيص المرض مالتها ، منو كتبه؟ كتبه علماء المركز الوطني
الامريكي AAAS ، المركز رقم 1 بالعالم برصانة المعلومة
http://bit.ly/1IaMNeZ

$#@= يعني وحدة صارت بيها هاي الحالة ، معناها كل النسوان لازم يصير بيهن هاي الحالة؟ هذا مو انصاف منك

^%F- تتوقعين اني اسولف وياج على حالة وحدة بس؟
بوية هاي السالفة تم تشخيصها من سنة 1993 على ايد طبيب امريكي اسمه اوكتافيو بيسا ، واطلق على هذي الحالة اسم ((متلازمة السراويل الضيقة)) يعني السالفة مو لعب چعاب وعيونچ http://bit.ly/1QMJSyK
وبسنة 2000 ، رجعت البناطير الضيقة تغزو الاسواق ، ومن ذاك الوقت
مئات الحالات النسائية دخلت للمستشفى بسبب سالفة البناطير الضيگة
وهاج هذا المقال اقري وتأكدي http://usat.ly/1N2prYh

$#@= احسّك تجذب عليه بهاي السوالف ، لو كايلي من البداية ما احب البنطرون واحب التنورة ، ولا هالخطبة العصماء

^%F- يابه وداعتج احبهن ثنينهن ، بس سولفتلج على مضار البنطرون الضيگ بس ... وهذا الحجي كلّه اني ما ذاكرلج :
1- آلآم الافخاذ المصاحبة بوخزات وخدر
2- تلف الاعصاب الي تربط العمود الفقري وية الافخاذ
3- ضغط الدم الغير مستقر
http://bit.ly/1LxA3ht

دستري علينه واكعدي راحة ، هي مال عمليات جراحية بهالزلك؟؟
ثانياً انتِ لو تجيبين البردة مال الهول وتسويها فستان هم تطلعين حلوة ، على شنو ضايجة بعد ؟؟ ((اويلي يالبهض))

$#@= اوووووووي عجبتني سالفة البردة ، رومانسية حيل

^%F- وبهاي المناسبة اهديلج اغنية حسين الجسمي :
حبيبي (بنطروني) .. يموت (ابنطرونه)
وانا "تنوري" لكن .. رح البس بنطرونه